Dionysius Exiguus.                                                                                                                                                                                                                      Samkvæmt ártali Gyðinga fæddist Jesú árið 3757, samkvæmt ártali Rómverja fæddist Jesú árið 753. Ártöl voru miðuð við einhvern ákveðinn atburð eða við einhvern konung.  Gyðingar miðuðu ártalið við sköpun jarðar en Rómverjar við byggingu Róm. Grikkir voru með ártal sem miðaði við einn af konungum þeirra.                                                                    
   Dionysius Exiguus  var beðinn um að hanna nýtt ártal sem miðaðist við  krossfestingu Jesú Krists.

    Á  þeim tíma var lítið um að kristnir héldu upp á fæðingu  Jesú Krists en þeir héldu upp á upprisuna.  Ekki voru allir sáttir um hvenær páskarnir væru og var tilgangurinn með þessu ártali að sameina hina kristnu um tímasetningu páskanna. Dionysius hélt því fram að Jesú hefði fæðst 25. desember en að árið byrjaði 1. janúar. Fyrsta árið, samkvæmt þessu ártali, var því 1.janúar 754 A.D.   Með því að setja fram bæði fæðingu Jesú Krists og krossfestingu ýtti hann undir og sameinaði hina kristnu um að halda upp á hvoru tveggja.                                                      
 A.D. eða Anno Domini þýðir "ár Drottins" en ekki eftir dauðann (after death) eins og sumir hafa haldið fram.  Mörgum árum seinna sáu menn að Dionysius hefði gert mistök því að í Matteusar guðspjalli er Heródes konungur á lífi þegar Jesú fæðist (Heródes reyndi að drepa Jesú strax eftir fæðinguna) en samkvæmt útreikningi Dionysius dó Heródes árið 4 f.K.  Lengst af var þetta talið vera svo en nú telja menn að Heródes hafi dáið árið 1 f.k.      
Það var of seint að breyta ártalinu svo nú er talað um að Jesú hafi fæðst  árið 4 fyrir Krist.                                                      Árið 1582 lagaði páfi að nafni Gregory ártalið , svo að það passaði samkvæmt gangi sólar.  Til þess tók hann 11 daga út þannig að 4.október varð 15.október og til að laga hlutina svolítið betur var hlaupár sett inn.  
Samkvæmt þessu er núna 2012. ár Drottins.                                                                    Gleðilegt ár.                                                                                                         Alfons Hannesson.

AlfonsHannesson.

  Þið tókuð sennilega eftir því að rétt fyrir áramótin birti Morgunblaðið  upplýsingar um rannsókn Tækniskólans í Þrándheimi sem sýndi að blóðþrýstingur þeirra sem sækja reglulega kirkju væri alla jafna lægri en hjá þeim sem gerðu það ekki.   Þessi rannsókn var í samræmi við hliðstæðar rannsóknir í Bandaríkjunum.  

Það er athyglisvert að þeir rannsökuðu ekki aðeins áhrif kirkjusóknar á blóðþrýsting viðkomandi heldur einnig fjölmarga aðra mögulega áhrifavalda sem hafa neikvæð áhrif.      

  Heilsudeild háskólans í Pittisburgh gerði rannsókn á því hvort kirkjurækið fólk lifði lengur en þeir sem ræktu ekki kirkju og komst að því að þeir sem sóttu kirkju reglulega lifðu að jafnaði 2-3 árum lengur en aðrir (BBC. News 4.april 2006)    

Orðskviðirnir 3:5-8 "Treystu Drottni af öllu hjarta en reiddu þig ekki á eigið hyggjuvit. Mundu til Hans á öllum vegum þínum, þá mun Hann gera stigu þína slétta.  Þú skalt ekki þykjast vitur, óttast Drottin og forðast illt, það mun verða heilnæmt fyrir líkama þinn og hressandi fyrir bein þín."  

Vers 1 og 2 segja "Son minn, gleym eigi kenning minni og hjarta þitt varðveiti boðorð mín, því að langa lífdaga og farsæl ár og velgengni munu þau veita þér í ríkum mæli."

Það er athyglisvert að nú eru rannsóknir hálærðra manna farnar að sýna fram á það sem Biblían hefur sagt í nokkur þúsund ár.   Stundum kirkjusóknir, lesum Biblíuna, lifum lengur.                                                        

                                          Guð blessi ykkur.         Alfons.